“Fiorentina” matbuot-xizmati, klub “Inter” jamaosi vakillari bilan yarim himoyachi Federiko Bernardeskining 40 million evroga transferi borasida kelishib olgani haqidagi ma'lumotni rasman inkor etdi.
“Fiorentina” jurnalist Massimo Kaputi bir necha bor chop etgan ma'lumotni qat'iyan rad etmoqda.
“Bu ma'lumot mutlaqo asossiz va haqiqatga umuman yaqin emas. Klub Kaputi va boshqalarni yolg'on xabarlar tarqatmaslikka chaqiradi”, – deyiladi klub bayonotida.
Ushbu mavsumda Bernardeski Italiya chempionatining 24ta o'yinida, 10ta gol hamda beshta golli uzatmaga mualliflik qilgan.
— deya xabar beradi uff.uz nashri.