"Chelsi" rahbariyati "Yuventus" klubiga tegishli bo'lgan yarim himoyachi Kingsli Koman transferi bo'yicha turinliklarga aloqaga chiqqan, deya xabar bermoqda Téléfoot nashri. Komanning "Bavariya" bilan ikki yillik ijara shartnomasi joriy mavsumdan so'ng nihoyasiga etadi. Ammo "Bavariya" direktorlar kengashi raisi Karl-Haynts Rummeniggening so'zlariga ko'ra, nemis klubi ixtiyorida shartnomaga muvofiq futbolchini 18 million evro evaziga butunlay sotib olish huquqi bor. Ammo Frantsiya manbalarining bergan xabariga ko'ra, "Chelsi" "Yuventus"ga 20 yoshli futbolchi uchun 60 million evro miqdorida taklif jo'natgan. Shuningdek "Manchester Siti" ham frantsuz futbolchisini o'z safida ko'rishni istamoqda va uning uchun 50 mln evro berishga tayyor turishibdi. Agar Koman ingliz klublaridan birining taklifiga rozi bo'ladigan bo'lsa, "Bavariya" bilan kelishuvda bo'lgan majburiy 18 million evrolik bitimni rad etishi mumkin bo'ladi.
— deya xabar beradi uff.uz nashri.