"Barselona" yarim himoyachisi Arda Turan yozgi transferlar mavsumida Kataloniyani tark etishi mumkin. Bu haqda Mundo Deportivo nashri xabar beradi.  Klub matbuot xizmatining xabariga ko'ra, turkiyalik futbolchi Xitoyning ikki jamoasi yuborgan moddiy tomonlama foydali taklifni ko'rib chiqmoqda. Aynan shu sababga ko'ra, Arda Turan katta ehtimol bilan yozda "Barselona"ni tark etishi oydinlashib qolmoqda. Eslatib o'tamiz, Turan joriy mavsum "Barselona" tarkibida Ispaniya chempionatining 17 uchrashuvida maydonga tushib, 3ta gol va shuncha foydali uzatmaga mualliflik qilgan.
— deya xabar beradi uff.uz nashri.