Toshkent shahrida yunon-rum kurashi bo'yicha O'zbekistonda xizmat ko'rsatgan murabbiy Kamil Fatkulin sovrini uchun a'anaviy xalqaro turnir boshlandi.
Beshincha marotaba tashkil etilgan ushbu musobaqada 2001-2002 yillarda tug'ilogan o'smirlar 14 vazn toifasida g'oliblik uchun kuch sinashmoqda. Bu galgi turnirda o'zbekistonlik yosh polvonlar bilan bir qatorda Rossiya, Qozog'iston, Qirg'iziston va Tojikistondan kelgan 300 nafardan ziyod iste'dodli sportchilar o'zaro bellashmoqda.
Kamil Fatkulin sportchi sifatida uch marotaba jahon chempionatlari kumush medali sovrindori, Evropa chempionatida bronza medal sohibi bo'lgan. Sportchilik faoliyatini yakunlagach, tajribali murabbiy sifatida mamlakatimiz terma jamoasi uchun o'nlab mahoratli yunon-rum kurashi ustalaringi tayyorlab kelmoqda. Uning shogirdlari jahon va qit'a chempionatlari, Olimpiya o'yinlarida muvaffaqiyatli ishtirok etib kelmoqda.
Beshinchi marotaba o'tkazilayotgan yunon-rum kurashi bo'yicha an'anaviy turnir ham sport olami uchun yangidan yangi chempionlarni kashf etib beradi.
Musobaqa g'olib va sovrindorlari ertaga aniqlanadi.
— deya xabar beradi uff.uz nashri.