Braziliya terma jamoasining sobiq yarim himoyachisi Jerson "Barselona" hujumchisi Neymar haqida fikr bildirib o'tdi. Eslatib o'tamiz, Neymar hozirda Braziliya terma jamoasi etakchisi sifatida e'tirof etiladi. Lekin, Jerson Neymarni 1970 – yillarda faoliyat olib borganda hatto termaning zaxira o'rindig'idan joy ola olmasligini takidladi. "Neymarga hatto bizning jamoa zaxirasida joy etmagan bo'lardi. U Braziliya termasida kimning o'rnini egallagan bo'lardi? Neymar Pele, Tostao, Jairzino yoki Rivelino o'rinni hech qachon bosa olmaydi. Yarim himoya chizig'ida ham unga joy etmagan bo'lardi. Bizning zaxiradan Kaju – kabi buyuk istedod sohibi o'rin egallagandi. Kaju deyarli barcha pozitsiyada ajoyib o'yin ko'rsata olardi. Bilmayman, Neymarga bizning jamoa zaxira o'rindig'idan joy tegishiga ishonish qiyin", – deydi Jerson Fox Sports nashriga bergan intervyusida.
— deya xabar beradi uff.uz nashri.