«Barselona» klubi «Real»dan o'zib ketdi, xitoyliklar barchadan o'zishga shaylanishyapti. Sportga ixtisoslashmagan nashrlarning ham bu sohaga e'tibor bilan yondashishi odatiy hol bo'lib qoldi. To'g'ri, bunda ko'pincha sport dunyosiga boshqa tomondan razm solinadi. Xullas, bugun qaysidir jihati bilan sport iqtisodiga borib taqaladigan turli maqolalar (turli gazetalarniki) haqida gaplashamiz. ***** «Forbs» «Barselona»ning «Re-al»dan ko'p pul topishni qanday uddalayotganini aniqlashga urindi. Nashr bunda oddiy yo'lni tanladi - shunchaki, ispan superklublarining odatiy moliyaviy hisobotlarini obdon o'rganib chiqdi. Demak, Kataloniya jamoasi avvalgi mavsum 620,2 mln. evro topdiki, bu «Real»ning daromadidan  100 ming ko'pdir. «Barselona»ning bu borada  «Real»dan ustunlik qilishini ta'minlayotgan bosh manba - marketing yo'nalishi. Umuman, «Barsa» brendining tijorat bobidagi muvaffaqiyati formulasi oddiy: yangi homiylar } eski hamkorlar bilan tuzilgan yangi shartnomalar } mavsumoldi turnelari ulushi } Evropa superkubogi va Klublar o'rtasidagi JChdagi g'alabalar. Xususan, Osiyo bozorida «Barselona» hamkorlari safi ancha kengaydi. Deylik, mobil telefonlar ishlab chiqaruvchi Oppo (Xitoy) kompaniyasi, Bank Mega (Indoneziya) va SHB (Vetnam|Kambodja|Laos) tijorat banklari kataloniyaliklar bilan shartnoma tuzishdi. 2020 yilga qadar klubning tibbiyot markazini zarur jihozlar bilan ta'minlash huquqi esa Toshiba kompaniyasiga berildi. Qolaversa, Chang (ichimliklar ishlab chiqaruvchi kompaniya), Indosat (telekommunikatsion kompaniya) va Procter Gamble (kosmetika brendi - Head Shoulders) bilan o'rtadagi bitim yangi shartlar asosida yangilandi. Umuman, 2010 yildan buyon klubning xalqaro homiylari soni 5tadan 37taga oshdi. Ulardan 13tasi jamoa nomidan Osiyo hududida ish yuritadi. Mavsum-2015|2016 yakunida «Barselona» va ekipirovka ta'minotchisi Nike o'rtasidagi eski shartnoma muddati yakuniga etdi. Klub unga ko'ra, yiliga chamasi 60 mln. evro olardi. Yangi kelishuvda esa bu qiymat 150 mln. evroga ko'tarildi. Bundan tashqari, «Barsa» mavsum-2015|2016ni Evropa superkubogini yutish bilan boshlab, o'z g'aznasini qo'shimcha 4 mln. evroga to'ldirdi. Qolaversa, jamoa 2015 yilning dekabrida Klublar o'rtasidagi JChda g'olib chiqish orqali 4,6 mln. evro olgandi. «Real» esa o'sha mavsum bu turnirlardan chetda qoldi. Boz ustiga hisobotga chiptalar sotuvi, stadion bo'ylab sayohat (misol uchun, klub muzeyi ulushi), a'zolik badali va mediahuquqlar ulushi qo'shilmagan. ***** «Kommersant» esa futbolda urf-ga aylangan trend - Xitoy sarmoyalari haqida yozdi. Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.