O'tgan yili “Lester” bilan Angliya Premer-ligasida chempionlikka erishgan Klaudio Raneri jamoaning bu yilgi mavsumdagi muvaffaqiyatsiz yurishlaridan so'ng, (25 turdan so'ng xavfli zonaga tushib qolgandi) iste'foga chiqishga majbur bo'ldi. Uning klub tarixidagi o'rni hech qachon inkor etilmasligi tayin, biroq nimanidir o'zgartish kerakligini “Lester” mutasaddilari ham, Ranerining o'zi ham tushunib etishgach, bu umumiy qaror e'lon qilindi. Klaudioning yordamchisi Kreyg Shekspirning iste'fodan so'ng ikki o'yinda ikki g'alabaga erishgani (“Liverpul” va “Xall siti” ustidan) unga mavsum yakuniga qadar bosh murabbiylik shartnomasini olib keldi. 2017 yilda Ran'eri iste'fosiga qadar g'alaba u yoqda tursin, hattoki birorta to'p ham kiritolmagan “tulkilar”ning bu zafarlari jamoada ruhiy muhit yana yaxshilanganini, jamoa a'zolari stress holatidan chiqib ulgurganlarini ko'rsatmoqda. Erkin harakatlangan “Lester” nimalarga qodir ekanini o'tgan mavsumda ko'r bor ko'rganmiz. Bu kecha Chempionlar ligasi nimchorak finali javob uchrashuvida Lesterda, “King Pauer” o'yingohida “Sevilya”ni qabul qiladi. Birinchi uchrashuvda 1:2 hisobida mag'lub bo'lgan “Lester” o'z maydonida Andaluziya jamoasini enga olishiga ko'pchilik ishonqiramayapti. Hattoki bukmekerlik idoralari ispan jamoasining g'alabasini taxmin qilishmoqda va shunga yarasha koeffitsient belgilashmoqda. Ammo Vodiymedia bashorati ularnikidan ancha farq qiladi: bu kecha Evropa Shekspirni tan oladi va “Lester”ning Evropa ertagi davom etadi. Bunga qaysi omillar sabab ekanligi, asosli besh fikr haqida vodiymedia.uz da o'qiysiz.
— deya xabar beradi uff.uz nashri.