"Portu" jamoasining Evropa Chempionlar ligasi bahslarini tark etganidan so'ng, Rossiyaning UEFA koeffitsientlar jadvalida oltinchi o'rindan pastga tushib ketmasligi kafolatlandi. Bu esa Rossiyaning uch jamoasi 2018/19 yilgi Evropa chempionlar ligasi musobaqasi bahslarida ishtirok etishidan darak beradi. Portugaliya sharafini himoya qiladigan "Portu" endi joriy mavsumda boshqa ochkolarni qo'lga kirita olmaydi. Ayni damda Rossiyaning umumiy koeffitsienti - 50,532, Portugaliyaniki esa — 49,332ni tashkil etadi. Shu tariqa, Rossiyadan ikkita klub keyingi mavsumda Chempionlar ligasi guruh bosqichida qatnashsa, bittasi – saralash bahslarining uchinchi raundida o'z kuchini sinab ko'radi. Rossiyadan yana uch jamoa Evropa ligasida ishtirok etadi.
— deya xabar beradi uff.uz nashri.