Xabaringiz borki, mamlakat kubogining 1/16 finalida “Navbahor” Urgenchning “Xorazm” jamoasi bilan bahs olib boradi. O'zbekiston kubogining ushbu bosqichidan o'rin olgan uchrashuvlarda birinchi liga jamoalarini o'yinlarga mezbonlik qilishi belgilab qo'yilgan. PFL qaroriga ko'ra “Xorazm” – “Navbahor” jamoalari o'rtasidagi uchrashuv Namanganda bo'lib o'tadigan bo'ldi. Shu tariqa jamoamiz mamlakat kubogidagi ishtirokini Namanganda boshlaydigan bo'ldi. Eslatib o'tamiz “Navbahor” va “Xorazm” jamoalari o'rtasidagi uchrashuv 25 mart kuni Namangandagi “Markaziy” o'yingohda o'tkaziladi.  Shuningdek, mamlakat kubogining 1/16 finalidan o'rin olgan “Orol” (Nukus) – “So'g'diyona” (Jizzax) jamoalari o'rtasidagi uchrashuv ham Nukus shahridan Jizzax shahriga ko'chirilganligi ma'lum qilindi. Jizzaxdagi o'yin 26 mart kuni o'tkaziladi.
— deya xabar beradi uff.uz nashri.