"Manchester Siti" himoyachisi Bakari Sanya "Monako"ga qarshi javob uchrashuvidan oldin o'tkazilgan matbuot anjumanida bo'lajak o'yin haqidagi fikrlarini bildirib o'tdi. "Ikki jamoa bugun hujumkor futbol namoyish etali, uchrashuv qiziqarli bo'lishiga shubha yo'q. "Monako" Frantsiya chempionatida ajoyib harakat qilmoqda va bugun bizni mag'lubiyatga uchratishga yaqin bo'lishi mumkin. Lekin «Manchester Siti» mahorat bobida "Monako"dan qolishmaydi. Biz o'z kuchimizga ishonamiz. Evropa chempionlar ligasida kuchsiz jamoa ishtirok etmaydi.   "Manchester Siti" deyarli har hafta qiyin raqiblarga qarshilik ko'rsatib kelmoqda. Frantsiyadan ijobiy natija bilan qaytishni uddalaymiz», - deydi frantsiyalik futbolchi klub matbuot xizmatiga bergan intervyusida. Eslatib o'tamiz, Xosep Gvardiola shogirdlari ilk uchrashuvda 5:3 hisobida g'alaba qozonishgan edi.
— deya xabar beradi uff.uz nashri.