"Bavariya" klubining rahbari Karl-Xaynts Rummenigge jamoa yarim himoyachisi Joshua Kimmix sotilmasligini aytib o'tdi. Ushbu futbolchini "Manchester Siti" ustozi Xosep Gvardiola o'z jamoasida ko'rishni xohlayotgan edi. Aynan Gvardiola davrida nemis futbolchisi "Bavariya"da yorqin o'yin ko'rsatgan edi. Kimmixning bir nechta chiziqda o'ynay olish qobilyati "Bavariya"da ispaniyalik mutahassisga qo'l kelgan edi va aynan shu hislatini inobatga olgan Pep yangi jamoasida ham yosh iste'dodni ko'rish niyatida. Kimmixning myunxenliklar safida kam o'yin amaliyotiga egaligi uning "Etixad"ga kelish ehtimolini ko'paytirmoqda. Karlo Anchelotti jamoaga kelganidan so'ng 22 yoshli yarim himoyachi faqat zaxiradan o'yinga qo'shilmoqda. Avvalroq, Joshua o'yin amaliyotiga kam ega bo'layotganidan noligan edi, ammo shunday bo'lsada, "Bavariya" uni qo'yib yubormoqchi emas. "U bilan bog'liq rejalarimiz bor, uni Filipp Lamning o'rinbosari sifatida ko'rmoqdamiz. Keyingi mavsumdan Kimmix ko'proq maydonga tushadi va etarlicha o'yin amaliyotiga ega bo'ladi. Anchelotti oldindan shunday reja qilgan", - deydi Rummenigge.
— deya xabar beradi uff.uz nashri.