Namanganning «Navbahor» jamoasi mavsumni g'alaba bilan boshladi. «Lochinlar» birinchi turda Rauf Inileev boshchiligidagi «Obod» jamoasiga qarshi maydonga tushishdi va 2:1 hisobida zafar quchishdi. E'tiborlisi, jamoaga yangi kelib qo'shilgan markaziy himoyachi G'iyosjon Komilov «Navbahor»ning ikkinchi goliga mualliflik qildi.  - Birinchi o'rinda g'alaba bilan tabriklaymiz. - Rahmat. Eng avvalo, muxlislarni yangi mavsum boshlangani bilan tabriklayman. Agar o'yin haqida gapiradigan bo'lsam, oson o'tmadi. «Obod» futbolchilari 2-3 yildan buyon birga to'p surishadi va bir-birlarini yaxshi tushunishadi. Mazkur uchrashuvda ham ular munosib qarshilik ko'rsatishdi. Biz esa mavsumni g'alaba bilan boshlaganimizdan mamnunmiz. Umid qilamanki, g'alabalar keyingi uchrashuvlarda ham davom etadi. - Bunga qadar «Mash'al»da to'p surgansiz. Yangi mavsumda esa «Navbahor» sharafini himoya qilyapsiz. - Voqealar rivoji shunday tus olganidan xursandman. Har bir futbolchi o'z shahri jamoasida o'ynashni istaydi. Buni faxr desa ham bo'ladi. O'yinni tomosha qilish uchun stadionga yaqinlaringiz tashrif buyurishadi. Ularning qo'llab-quvvatlashlari ostida yaxshi o'yin namoyish qilasiz. Bosh murabbiy taklifini qabul qildim va «Navbahor» a'zosiga aylandim. - O'tgan mavsumda «Navbahor»  muxlislarini ajablantirgandi. Joriy mavsumda jamoa deyarli yangidan tashkil etildi. Futbolchilarning bir-birlarini tushunib olishlari jarayoni qanday kechmoqda? - Namangan xalqi futbolni yaxshi ko'radi. Ular talabchanlar va har bir o'yinda g'alaba kutishadi. O'zingiz aytganingizdek, joriy mavsumda tarkib yangilandi. O'ylaymanki, jamoamiz ajoyib. Yigitlar bir-birlarini nafaqat maydonda, balki uning tashqarisida ham qo'llashadi.  Menimcha, bu murabbiyning mehnati samarasidir. Hozirda bir-birimiz bilan xuddi 2-3 yildan buyon birgadekmiz. - «Mash'al» va «Navbahor» o'rtasida qanday farqni sezdingiz? Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.