Yana roppa-rosa bir haftadan keyin Malayziya davlatining Kuala-Lumpur shahrida Suriya hamda O'zbekiston milliy terma jamoalari o'rtasidagi JCh-2018 saralash uchrashuvi bo'lib o'tadi. Kim nima desa desin-u, ammo shu o'yin bizga ko'p narsalarni aniqlashtirib beradi.
2017 yilning futbol kundaligi shu sanadan boshlanadi desak, mubolag'a bo'lmas. Chunki, ilk o'yinda olingan kayfiyat butun yil ta'tishi mumkin. Biz nima qilib bo'lsa ham g'alaba qozonishimiz shart. Boshqa hisob yuqori o'rinlarni kafolatlamaydi.
Ne baxtki, shu kuni Eron termasi safarda Qatar bilan o'ynaydi, Koreya bo'lsa, Marchelo Lippisi bor Xitoy uyiga boradi. Ikkisi ham ochko yo'qotishi mumkin, bu futbol har doim ham kuchli jamoa g'alaba qozonavermaydi. Bu esa, o'z-o'zidan bizga qo'l kelishi turgan gap. Foydalanishimiz kerak mana shu o'yinlardan.
Biz Samvel babayandan iltimos qilardik, o'yinga yigitlarni etarlicha tayyorlay olsin. Yurti uchun borini beradigan futbolchilardan tarkib tuzish kerak bo'ladi. Buni qarangki, vaqt juda tez o'tmoqda. Hademay, hayajonli onlar kishini chulg'ab oladi.
E'tiboringizga ushbu tur anonsini havola etamiz: 6-tur 23.03.2017 A 16:35 Xitoy -:- Janubiy Koreya A 17:00 Suriya -:- O'zbekiston B 17:00 Tayland -:- Saudiya Arabistoni B 18:00 Iroq -:- Avstraliya B 20:30 BAA -:- Yaponiya A 21:00 Qatar -:- Eron
— deya xabar beradi uff.uz nashri.