“Yuventus”da ichki inqilob yuzaga kelmoqda. “Keksa sinyora” A-seriyada g'alaba qozonishdan zerikib qolgandek. Evropaga zafar quchish uchun esa Allegrining mahorati kamlik qilmoqda. Qariyb uch yil oldin “Yuve”,murabbiyni “Milan”dan o'ziga og'dirib olgandi. Shundan buyon Maks “keksa sinyora” boshchiligida hamma bosqichlardan o'tdi. Italiya chempionatidagi chempionliklar va Chempionlar ligasidagi finalgacha bosib o'tilgan yo'l. Ammo hozir jamoa rahbariyati Allegridan faqatgina Evropadagi muvaffaqiyatni kutmoqda. Chempionlar ligasida “Yuve” “Portu” bilan o'yin oldidan, raqibni engishiga shubha bilan qarashardi. Bunga sabab esa, dekabr oyida “Milan”ga boy berib qo'yilgan Italiya Superkubogi baxsi. Shundan so'ng Allegrini iste'foga chiqarish kerakligi haqida gaplar tarqalib ketdi. Ba'zilar Allegri jamoani tark etishi ekanligini aytishsa, ba'zilar Allegriga yangi g'oyalar kerakligini aytishdi. Agar italiyalik mutaxassislarnining yutuqlarini, Klaudio Ranerining “Lester” bilan chempionligi, Antonio Kontening “Chelsi” bilan APLda birinchi o'rinda borayotganligi, Karlo Anchelottining “Bavariya” bilan Bundesligada 1 o'rinda borayotganligini inobatga olsak, kelasi mavsumda Allegri ham boshqa chempionatning top klubidan biriga o'tishi mumkinligini shubha qilmasak ham bo'ladi. Balki boshqa jamoada Allegrining xizmatlarini qadriga etishlari mumkin. “Maks qaerga bormasin, xoh Angliyaga, xoh Ispaniyaga, u hamma joyda o'zini ko'rsata oladi” – deya iliq gaplarni aytib o'tgan “Yuve” sobiq bosh murabbiyi Jovanni Tropatonni. “Yuventus”ning o'zida esa Maksning iste'foga chiqishini kutishmoqda. “Evropa chempionatidan so'ng men yangi mavsumga 100 % ga tayyor edim. Ammo mavsum boshlangandan so'ng men asosiy tarkibda maydonga tushmadim – deya e'tirof etadi Patris Evra. Men hech nima demadim – ammo keyinchalik Allegri bilan gaplashganimdan so'ng, u menga maydonga tushishimni aytdi. Lekin menga bir oyda bir marta maydonga tushish kamlik qiladi. Shuning uchun men o'zimni aldashni bas qilishga qaror qildim va jamoani tark etdim”. Patris Evra jamoa bosh murabbiyidan xafa bo'lgan yagona futbolchi emas. Paolo Dibalani “Sassuolo” bilan bo'lgan uchrashuvda almashtirganda, Paolo Maksni qo'lini qaytargani darrov shov-shuvlarga boy bo'ldi. Ertasi kuniyoq gazetalarda har xil mish-mishlar tarqalib ketdi. Davomi quyidagi linkda
— deya xabar beradi uff.uz nashri.