Oliy liga 3-turidan o'rin olgan «Navbahor» - «Neftchi» uchrashuvidan so'ng matbuot anjumanining ikkinchi qismida mezbonlar bosh murabbiyi Ilhom Mo'minjonov savollarga javob berdi.
- Uchrashuvda raqib jamoaning birgina xujumini qaytara olmadik. O'yinchilarim gol bo'lgan vaziyatda ozgina konsentratsiyani yo'qotib qo'yishdi va xatolikka yo'l qo'yishdi. Bugungi o'yinga jiddiy tayyorgarlik qilgan edik. Raqib jamoani videorolik orqali o'rganishga harakat qilgandik. Xujumda bizga biroz sovuqqonlik etishmadi. Biz dastlabki 15 daqiqada gol urishni niyat qilgandik. Bugungi uchrashuvda harakat qilgan shogirdlarimga minnatdorchilik bildiraman.
- Bugungi uchrashuvda bizga g'alaba qozonish uchun biroz sovuqqonlik etishmadi. Xujumda ham ishlarimiz yurishmayapti. Buning ustida albatta ishlaymiz. Keyingi uchrashuvlarda hatolarni qaytarmaslikka harakat qilamiz.
- Ximoyada harakat qilgan Jahongir Mehmonov qanot o'yinchisi emasligi bilinib qoldi. Uning o'rniga Shamsitdinovni tushirish orqali o'yinni kuchaytirishni maqsad qilgandim. Shamsitdinov mehnatlari evaziga gol kiritishga muvaffaq bo'ldik.
- Bu yilgi chempionatning har bir uchrashuvida faqat va faqat g'alaba uchun maydonga tushamiz. Raxbariyatga ham o'z minnatdorchilikka bildiraman. Chunki men o'zim istagan o'yinchilarni olishimga yordam berishdi. Keyingi turda Samarqandda faqat g'alaba uchun maydonga tushamiz.
— deya xabar beradi uff.uz nashri.