Madridning «Real» klubi «Portu» himoyachisi Felipe Monteyroni qo'lga kiritmoqchi, deya xabar qilmoqda AS nashri. Madridliklar klubi unga Pepening o'rinbosari sifatida qaramoqda. Manbada aytilishicha, 27 yoshli futbolchining agenti Juliano Bertoluchchi fevral oyida «Real» mutasaddilari bilan muzokara o'tkazgan va transfer borasida og'zaki kelishuvga erishganlar. Endi esa ushbu kelishuvni rasmiy tasdiqlash qolgan holos. Felipe Monteyroning «Portu» bilan amaldagi shartnomasi 2021 yilga qadar mo'ljallangan bo'lib, uning tovon puli 50 mln evroni tashkil etadi. Ba'zi xabarlarga ko'ra, Felipe «Real»ga 25 yoki 30 mln evroga tushishi mumkin. Agar Felipe Monteyroning transferi amalga oshadigan bo'lsa, u «Portu»dan «Real Madrid»ga o'tgan to'rtinchi futbolchiga aylanadi. Bungacha Karlush Sekretari, Pepe va Danilo madridliklar safiga Portugaliyadan kelib qo'shilganlar.
— deya xabar beradi uff.uz nashri.