O'zbekiston milliy terma jamoasining 23 va 28 mart kunlari Suriya va Qatarga qarshi o'yinlari bois, Oliy Ligada qisqa tanaffus yuzaga keladi.
12 mart kuni 3-tur doirasida Toshkentda «Paxtakor»ni mag'lub etgan «Dinamo» ayni damda Oliy Liga turnir jadvalida peshqadamlik qilmoqda. 4-tur o'yini bo'lmish «Navbahor»ga qarshi uchrashuv 31 mart kuni o'tkazilishi inobatga olinib, jamoamiz Qarshining «Nasaf» klubiga qarshi o'rtoqlik o'yini o'tkazishga o'zaro kelishib oldi. «Nasaf» jamoasining 3-tur doirasida 18 mart kungi «Bunyodkor»ga qarshi o'yini qoldirilgan.
«Dinamo» - «Nasaf» uchrashuvi 19 mart, yakshanba kuni Samarqandda o'tkaziladi. Uchrashuv «Dinamo» markaziy stadionida soat 16:00 da boshlanadi. Chiptasi bahosi 5 ming so'm. Qiziqarli o'tishi kutilayotgan ushbu o'yinga muxlislarni taklif etib qolamiz.
O'rtoqlik uchrashuvi
19 mart (yakshanba). 16:00
«DINAMO» - «NASAF»
Samarqand, «Dinamo» stadioni.
— deya xabar beradi uff.uz nashri.