Osiyo futboliga doim e'tibor qaratib keluvchi FIFA rasmiy sayti xodimlari Xitoy futbolidagi shov-shuvli transferlardan keyin Chin yurtiga safar uyushtirishdi. Biz uchun e'tiborlisi, ularning «nishoni»da «Krasnodar»dan «Shanxay SIPG»ga ko'chib o'tgan o'zbek futbolchisi - Odil Ahmedov ham bor edi. Suhbat davomida muxbirlar vatandoshimizga turli mavzularda, xususan, terma jamoamiz va uning navbatdagi mundialga chiqish imkoniyatlari haqida ham savollar berishdi. - Biz 2018 yili Rossiyada o'tadigan jahon chempionatiga chiqishimiz mumkin, - deya so'z boshladi «Shanxay SIPG»ning 29 yoshli himoyachisi FIFA.com saytiga bergan eksklyuziv intervyusida. - Hozirgi vaqtda O'zbekiston milliy terma jamoasi mundialda ishtirok etishi boshqacha aytganda, orzularimizni ro'yobga chiqarish uchun astoydil harakat qilmoqdamiz. So'nggi bosqichdagi barcha raqiblarga qarshi birinchi davra davomida o'ynab ko'rdik. Endi ular bilan hal qiluvchi o'yinlarda yo'llanmalar uchun kurashamiz. Umid qilamanki, terma jamoamiz bilan o'zimiz istagan natijalarga erisha olamiz». Ma'lumki, O'zbekiston milliy terma jamoasi 23 mart kuni so'nggi saralash bosqichining ikkinchi davrasi o'yinlariga kirishadi. Shu kuni Samvel Babayan shogirdlari betaraf maydon - Malayziyada Suriya termasi bilan to'qnash kelishsa, besh kundan so'ng Qatar termasi Toshkentda mehmon bo'ladi. Iyunda Odil va uning sheriklarini safarda Eronga qarshi o'tadigan o'ta muhim uchrashuv kutib turibdi. So'nggi ikki turni esa o'zbekistonliklar Xitoy va Janubiy Koreya termalariga qarshi o'tkazishadi. Ta'kidlash lozim, shaxsan Odil Ahmedovga Eron va Janubiy Koreya jamoalari bilan uchrashish yoqadi. Zero bu ikki raqib shu paytgacha O'zbekiston terma jamoasi uchun mudom muammolar yaratib kelishgan. Misol uchun, o'zbeklar 2014 yili Braziliyada o'tgan mundialga borishlari ham mumkin edi. Ammo aynan shu raqiblar Ahmedov va uning jamoasi orzularini chippakka chiqarishgan. Mana endi, ana shu alamli mag'lubiyatlar uchun o'ch olishga qulay imkoniyat paydo bo'lmoqda. E'tiborlisi, eronliklar doim birgina gol tufayli g'alabani ilib ketishavergan. Taqdirni qarangki, O'zbekiston termasini bu gal ham xuddi shu «qora an'ana» ta'qib qilmoqda. Chunonchi, Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.