Toshkent shahridagi «Yoshlik» sport arenasida mini futbol bo'yicha ayollar o'rtasidagi XIII O'zbekiston chempionatining hal qiluvchi – 3-bosqichi boshlandi. 1-tur doirasida «Paxtakor W» – «Sho'rtan Lady» 1:6, «Yuz rabot» – «TATU» 2:15 uchrashuvlar ham bo'lib o'tdi. «Sevinch» dastlabki tur uchrashuvini Nukusning «Qirq qiz» jamoasiga qarshi o'tkazdi. Uchrashuvda jamoamiz g'alabaga erishgan bo'lsada, o'yini unchalik qovushmadi. Avval xabar berganimizdek, bu yildan jamoamiz safida ko'plab yosh futbolchi qizlar faoliyatini boshlashgan. Bugungi o'yin shuni ko'rsatdiki, bu futbolchilarni mahoratini oshirish uchun, murabbiylarimiz hali ko'plab ishlarni amalga oshirishlariga to'g'ri keladi. O'yining dastlabki daqiqalaridan jamoamiz o'z darvozasidan to'p olib chiqishga to'g'ri keldi. Sayyora Jiekbaeva futbolchilarimizning qo'pol xatosidan unumli foydalandi va Laylo Tilavova qo'riqlayotgan darvozamizni aniq nishonga oldi – 0:1. Bu kutilmagan gol o'yinchilarimizni sergak tortirdi va himoyani mustahkamlab, ko'proq hujumlar uyushtirishdi. Bu orqali ular uchrashuvning birinchi bo'limidayoq 6ta gol urishga erishdilar. Gollarga Shaxzoda Jamolova, Sevara Normurodova, Shaxnoza Qurbonova, Maftuna Shoyimova, Shodiya Tosheva va Kamola Riskievalar mualliflik qilishdi. Ikkinchi bo'limda jamoamizning o'yini kutilganidek chiqmadi. Bir-birlariga to'p oshirishda ko'plab xatolarga yo'l qo'yishdi va uchrashuvning 25-daqiqasida o'z darvozalaridan 2-to'pni olib chiqishga majbur bo'ldilar. Bu golni «Qirq qiz» jamoasi o'yinchisi Ziyodaxon Tulenbaeva kiritdi. Futbolchilarimizda hisobni yanada yiriklashtirish uchun ko'plab imkoniyatlar bo'lsada, 40-daqiqagacha hech kim raqib darvozasini ishg'ol qila olmadi. Uchrashuvdagi so'nggi golni Ilvina Ablyakimova kiritishga muvaffaq bo'ldi – 7:2. Shu tariqa jamoamiz hal qiluvchi bosqichni g'alaba bilan boshladi. Ammo turnir jadvalida gollar nisbati bo'yicha etakchilikni Toshkentning «TATU» jamoasi qo'lga kiritdi. Ertaga 3-bosqichning hal qiluvchi – markaziy uchrashuvi bo'lib o'tadi. Unda jamoamiz turnir jadvali karvonboshisi «TATU» jamoasi bilan bahs yuritadi. Uchrashuv 11:40da boshlanadi. Mini futbol bo'yicha XIII O'zbekiston chempionati, 3-bosqich, 1-tur «Sevinch» (Qarshi) – «Qirq qiz» (Nukus) 7:2 (6:1)
Gollar: Shaxzoda Jamolova, 7′-1:0, Sevara Normurodova, 9′-2:1, Shaxnoza Qurbonova, 13′-3:1, Maftuna Shoyimova, 18-4:1, Shodiya Tosheva, 20′-5:1, Kamola Riskieva, 20-6:1′, Ilvina Ablyakimova, 40′-7:2 – Sayyora Jiekbaeva, 2′-1:1, Tulenbaeva Ziyodaxon, 25′-6:2.
«Sevinch»: 1.Laylo Tilavova, 16.Maftuna Jonimqulova, 8.Kamola Riskieva (s), 17.Tanzila Zarbieva, 11.Shaxzoda Jamolova, 10.Ilvina Ablyakimova, 7.Shaxnoza Qurbonova, 25.Maftuna Shoyimova, 20.Maftuna Panjieva, 27.Shodiya Tosheva, 9.Sevara Normurodova, 37.Malika Burxanova, 19.Oliya Axmedova.
«Qirq qiz»: 16.Kuuaniishbaeva Gulfiya, 3.Aynura Daulbaeva, 5.Banu Niisanbaeva, 6.Dilfuza Kalbaeva (s), 7.Sayyora Jiekbaeva, 8.Dilfuza Nusriddinova, 9.Gulasel Kutanova, 11.Iroda Arazbaeva, 12.Ziyodaxon Tulenbaeva, 15.Husniyo Gancheva, 13.Chorasxon G'anieva.
Ogohlantirish: Sayyora Jiekbaeva 24.
16.03.2017. Toshkent sh., «Yoshlik» s/a
Hakamlar: Krisitina Sereda, Nigora Muhammadieva, Zilola Raxmatova, Husnora Jumaeva.
— deya xabar beradi uff.uz nashri.