Agar “Lester” va “Manchester Yunayted” o'zlari qatnashayotgan evrokuboklarda chempionlikka erishadigan bo'lsalar, Angliya Premer-Ligasining to'rtinchi jamoasi EChLga emas Evropa Ligasiga yo'l oladi. Eslatib o'tamiz, “tulkilar” va “qizil iblislar” Evropa maydonlarida Angliya sharafini himoya qiladigan so'nggi vakil hisoblanadilar. APLning amaldagi chempionlari EChL chorak finaliga tayyorgarlik ko'rayotgan bo'lsa, “MYu” ELda o'z yurishini davom ettirmoqda. Voqealarning bunday rivoj topish ehtimoli juda kam bo'lsada, ushbu mavsumda APLda to'rtinchi o'rinni egallagan klub EChL musoboqasi yo'llanmasidan qo'ruq qolishi mumkin. Gap shundaki, UEFA qoidalariga ko'ra har bir futbol Assotsiyasidan EChLda ko'pi bilan beshta jamoa qatnashishi mumkin. O'z o'rnida Chempionlar ligasi va Evropa Ligasida g'oliblikni qo'lga kiritgan jamoa keyingi mavsumda EChLda qatnashish huquqini qo'lga kiritadi. Shunday qilib, “Lester” va “Manchester Yunayted” evrokuboklarda g'oliblikni qo'lga kiritib va chempionatda kuchli to'rtlikka kira olmasalar, unda APLning faqat birinchi uchta jamoasi EChLga yo'l oladi.
— deya xabar beradi uff.uz nashri.