Nukusning "Orol" jamoasi katta qiyinchiliklarga duch kelganiga qaramay, mavsumni 13-o'rinda tugatdi. Albatta, klub moliyaviy jihatdan qiynaldi. Shunga qaramay, mavsum davomida chiroyli o'yinlari bilan ko'pchilikni diqqat markazida bo'lishdi. 16-turda klub uyda "UzDongJu" bilan 0:0 hisobida durang natija qayd etdi. Shundan so'ng Quttiboev UFF.uz internet portaliga o'z fikrlarini bildirib o'tdi.
- Mavsumni yaxshi boshlaganimizga qaramay, keyinchalik qandaydir muammolar tufayli, natijalarimizda pasayish bo'ldi. Bunga klubdagi muammolarni ta'siri katta bo'ldi. Lekin shogirdlarim mavsum oxirlashib borayotgan paytda, o'ziga kelib, chiroyli o'yin ko'rsatishni boshladi. Birinchi liganing etakchisi bo'lgan jamoalardan ochko tortib oldik. Umuman olganda, mavsum menda yaxshi taassurot qoldirdi.
- Birinchi Liganing ortda qolgani mavsumi haqida nimalarni ayta olasiz?
- Yomon o'tmadi. Qiziqarli o'yinlar soni ortdi. Oliy Liga yo'llanmasi uchun ham kurash qizg'in kechdi. Jamoalar har bir o'rin uchun ayovsiz ravishda bahslashdi. Umuman olganda, ishqibozlarga manzur bo'ladigan uchrashuvlar soni ortganligi yaxshi bo'ldi.
- Keyingi yilda klub birinchi ligada to'p surishi mumkinmi?
- Buni hozirdan aniq ayta olmayman. Jamoa birinchi ligada bo'lishligini ta'minlab kelingan. Kelgusi yilda vaziyat qanday bo'lish- bo'lmasligini vaqt ko'rsatadi.  

— deya xabar beradi uff.uz nashri.