1news.uz — 16 mart kuni “Gazprom” — FIFA va Futbol bo'yicha 2018 jahon chempionatining rasmiy hamkori — “Futbol do'stlik uchun” xalqaro bolalar loyihasining shu yil 26 iyun kunidan boshlab 3 iyul kunigacha Sankt-Peterburgda (Rossiya) bo'lib o'tadigan  beshinchi mavsumi start olganini e'lon qildi. 2017 yilda loyihaning jo'g'rofiyasi ancha kengaydi: ishtirokchi-mamlakatlar soni – 32 tadan 64 tagacha ikki hissa ko'paydi. Bu yil ilk bor “Futbol do'stlik uchun” loyihasida Meksika va AQSh dan keladigan bolalar ishtirok etadilar. Shunday qilib, loyiha to'rtta qit'a –Afrika, Evroosiyo, Shimoliy va Janubiy Amerikaning yosh futbolchilarini birlashtirdi. Beshinchi mavsum yangicha formatda o'tadi. Har xil mamlakatlarning futbol klublarini ifoda qiladigan jamoalar o'rniga yosh futbolchilar sakkizta baynalmilal terma – Do'stlik Terma jamoalariga birlashtiriladilar. Bugun ochiq qur'a tashlash davomida  terma jamoalarning mamlakatlar bo'yicha tarkibi, shuningdek ishtirokchi-mamlakatlarning vakillari uchun o'yin pozitsiyalari aniqlandi. O'yinchilarni yakka tartibda tanlab olish ”Do'stlik estafetasi” doirasida o'tadi. “Futbol do'stlik uchun” loyihasining xalqaro tashkiliy qo'mitasi milliy futbol federatsiyalari bilan birgalikda 2017 yilda o'z mamlakatlarini ifoda qiladigan  yosh futbolchilarni tanlab oladilar. Sakkiz kishilik jamoalar 12-14 yoshli o'g'il va qiz bolalar, shu jumladan imkoniyati cheklangan bolalardan shakllantiriladi. Qur'a tashlash internet-konferentsiya rejimida o'tdi. Marosimda Do'stlik Terma jamoalarining quyidagi yosh trenerlari qatnashdilar: Mixail Babich (16 yosh, Rossiya), Rene Lampert (15 yosh, Sloveniya), Stefan Maksimovich (15 yosh, Serbiya), Felipe Soares (17 yosh, Portugaliya), Charli Sui (12 yosh, Xitoy), Elvira Xertsog (16 yosh, Shveytsariya), Igor Gritsyuk (14 yosh, Ukraina) va Brendon Shabani (15 yosh, Buyuk Britaniya), shuningdek loyihaning Xalqaro matbuot-markazi vakili Liliya Matsumoto (15 yosh, Yaponiya). Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.