“Liverpul” jamoasi bosh murabbiyi Yurgen Klopp “Manchester Yunayted” ustozi Joze Mourinoning APL taqvimi tig'izligi haqidagi tanqidini qo'llab-quvvatladi. Avvalroq portulagiyalik mutaxassis Angliya futbol uyushmasi va APLni evrokuboklarda ishtirok etayotgan klublar haqida o'ylamasligini aytgandi. “Mourino aytgan gaplarni eshitdim va o'tgan yili bizda ham shunday muammo bo'lganini ayta olaman. Biz “Vilyarreal” bilan payshanba kuni o'ynagandik, yakshanba kuni 12:00 da esa “Suonsi”ga qarshi maydonga tushdik. Bunday qilish yaramaydi, bizga og'irlik keltirish shart emas. Mourinoning so'zlariga qo'shilaman”, – dedi Klopp. Payshanba kuni “Rostov” bilan o'ynagan “MYu”, kelayotgan yakshanba kuni “Midlsbro”ga qarshi bahs olib boradi. 
— deya xabar beradi uff.uz nashri.