Kelasi hafta Xitoyning Changsha shahrida bo'lib o'tadigan Xitoy hamda Janubiy Koreya terma terma jamoalari o'rtasidagi o'yin Seul matbuotida ko'p marta tilga olinmoqda. Yonhap nashri bosh murabbiy Uli Shtilike haqida chiqishlar qilib o'tdi.
"Janubiy Koreya termasining 62 yoshli ustozi Uli Shtilike kelasi haftadan muhim o'yinlarga kirishadi. Xitoyga qarshi o'yindagi g'alaba tanqidchilarga yaxshi javob bo'lishi mumkin.
O'tgan yili ham Shtilikeni ko'pchilik tanqid qilgandi. Ammo, u O'zbekistonni mag'lubiyatga uchratdi va o'zining obro'sini yana tiklab oldi. Ishonamizki, qolgan o'yinlar Koreya 100% natija ko'rsatadi va guruhni 1-o'rinda yakunlaydi", - deyiladi nomi yuqorida tilga olingan nashrda.
Demak, ko'rib turganingizdek, O'zbekistonni engani uchun Shtilike tanqidlarni yo'qqa chiqaribdi. Umid qilamiz, Toshkentda vakillarimiz buning aksini isbot qilishadi.
— deya xabar beradi uff.uz nashri.