«Barselona» yarim himoyachisi Andres Inesta Xitoydan tushgan ikkita taklifni rad etdi.
Ushbu takliflardan biri moliyaviy jihatdan juda manfaatli bo'lgan. Xitoyliklar Inestaga yiliga 35 million evro maosh taklif etishgan. Boz ustiga yarim himoyachiga faqat o'z maydonida o'tadigan bahslarda maydonga tushish imkoni berilgan.
Garchi Inesta bu taklifni rad etgan bo'lsada, xitoyliklar o'z maqsadidan voz kechmayapti va yarim himoyachini ko'ndirish yo'llarini qidirmoqda. Biroz vaqt muqaddam Inesta kataloniyaliklar bilan yana ikki yillik shartnoma imzolashi aytilgan edi.
Yarim himoyachining «Barselona» bilan amaldagi kelishuvi 2018 yilning yoziga qadar davom etishi lozim.
— deya xabar beradi uff.uz nashri.