«Manchester Siti» yarim himoyachisi Yaya Ture jamoadan ketish niyati yo'qligini bildirdi. Eslatib o'tamiz,33 yoshli futbolchining shartnomasi yozda yakuniga etishi lozim.
- «Manchester Siti»da qolishni istaymanmi? Albatta istayman. Bu klubni yaxshi ko'raman.
Jamoaga kelganimda ilk matbuot anjumanidayoq «Manchester Siti» bilan g'alabalarga erishib, klub tarixida qolishni istashimni aytgan edim. Jamoaning bir qismi bo'lib qolish men uchun muhim.
Qolish istagimda muxlislarning o'rni katta. Men ko'p joyda o'ynaganman va futboldan rohat olganman. Ammo «Manchester Siti» muxlislari butkul o'zgacha.
Gvardiola har doim men bilan to'g'riso'z bo'lgan. U meni to'g'ri yo'nalishga boshlagan inson, shu bois uni hurmat qilaman va menga ishonib to'g'ri qilganini isbotlashga urinaman, - deydi Ture.
Eslatib o'tamiz, Turening agenti Dmitriy Selyuk yarim himoyachi kelasi mavsum «Manchester Yunayted»ga o'tishi mumkinligini aytgan edi.
— deya xabar beradi uff.uz nashri.