"So'g'diyona" jamoasi oliy liganing 29-turida "Qo'qon-1912" mehmoni bo'ldi va 3:1 hisobida zafar quchdi. Xabaringiz bor, jizzaxliklar ayni paytda oliy ligada jon saqlab qolish uchun kurashmoqda. Shu boisdan har o'yinga katta ahamiyat bermoqda. Qo'qondagi uchrashuvda g'alaba qo'lga kiritildi. Bu muvaffaqiyatda jamoa hujumchisi Jasur Hakimovning ham hissasi katta bo'ldi. Shundan so'ng u UFF.uz internet portaliga o'z fikrlarini bildirib o'tdi.
- Qo'qonliklar bilan bo'ladigan o'yinga jiddiy tayyorgarlik ko'rgandik. Boisi, jamoamizga faqat g'alaba kerak. Shuni inobatga olib, katta ishtiyoq bilan o'ynadik va natijaga erishdik. To'g'risi, o'yindan avval gol kiritib, jamoaga g'alaba keltirishni maqsad qilgandim. Hammasi biz o'ylaganchalik bo'lib chiqdi va yakunda muvaffaqiyat qozondik. Safardan yoqimli g'alaba bilan qaytdik, deya olaman. Endi so'nggi turda ham mana shunday o'ynsak, o'ylaymanki, "Buxoro"ni ham engamiz. Biz uchun oson o'yin bo'lmaydi. Qolaversa, raqibimizni ham jiddiy o'yin kutyapti. Tayyorgarlikni yaxshi qilsak, albatta oliy ligada qolish vazifasini bajaramiz, - deydi Hakimov.
— deya xabar beradi uff.uz nashri.