«Monako» klubi yarim himoyachisi Temua Bakayoko Frantsiya terma jamoasidan chaqiruv oldi. 22 yoshli futbolchi jarohat sabab ikki hafta maydonga tusha olmasligi ma'lum bo'lgan «Manchester Yunayted» yarim himoyachisi Pol Pogbaning o'rnini egallaydi. Bakayoko uchun ushbu chaqiruv birinchisi bo'ldi. U Frantsiya chempionatining ushbu mavsumida 25 uchrashuvda maydonga tushib, ikkita golga mualliflik qilgan. Yosh yarim himoyachining EChL 1/8 final javob o'yinidagi «Manchester Siti»ga kiritgan goli  «Monako»ga keyingi bosqich eshiklarini ochgan edi. Frantsiya terma jamoasi 25 mart kuni JCh-2018 saralashi doirasida Lyuksemburg va uch kundan so'ng Ispaniyaga qarshi o'rtoqlik uchrashuvda maydonga tushadilar.
— deya xabar beradi uff.uz nashri.