Jizzaxning “So'g'diyona ” jamoasi Oliy Liga 3-turida o'z maydonida “Olmaliq” klubini qabul qildi va 3:2 hisobida g'alaba qozondi. O'yindan so'ng “So'g'diyona” bosh  murabbiyi Davron Fayziev matbuot anjumanida qatnashdi. "Avvalambor, barcha vatandoshlarimizni kirib kelayotgan “Navro'z” bayrami  bilan tabriklaymiz. Bizni jiddiy raqib kutayotganini bilar edik. Bu raqibga qarshi maksimal darajada tayyorgarlik qildik. Oxirgi daqiqalargacha muxlislar bizga ishongani uchun rahmat aytaman. Bugungi o'yinda o'ylaymanki muxlislarimizni ishonchini oz bo'lsada ishonchini qozona oldik. Bu yilgi o'yinlar hamma jamoada ham qiziq tus olmoqda. Bugungi bahsda yigitlarimizda hayajon yaqqol sezilib turdi. Uchrashuv davomida yigitlarimiz birinchi marta o'z o'yida muxlislar qarshisida o'yingani bois ularni hayajon tark etmadi. “Olmaliq” jamoasi ko'proq standart vaziyatlarda foydalanadi va Viktor Kumikovni ko'p yillar davomida taniganim bois uning har bir vaziyatdan maksimal foydalanishini bilardim. Futbol xatosiz bo'lmaydi. Bugun yigitlarning irodasi, mehnati, muxlislarning olqishi bu hammasi qo'shilib ajoyib g'alabaga olib keldi. Oldimizda 26 mart kuni “Orol” jamoasi bilan O'zbekiston kubogida  o'z maydonimizdagi o'yinimiz bor. 30 mart kuni esa 4-turda “Nasaf” bilan mehmonda o'ynaymiz. Biz shu jamoalarga qarshi tayyorgarlikni boshlaymiz",  - dedi Fayziev. “So'g'diyona” matbuoti xizmati
— deya xabar beradi uff.uz nashri.