Birinchi Liga ishtirokchisi "Obod" jamoasi bu yilgi mavsumda o'ziga xos rekord ko'rsatkich qayd etgan jamoalardan biri bo'ldi.
Negaki, klub mavsum davomida raqiblari darvozasiga 98 marotaba gol kiritib, bu borada boshqalarga o'rnak bo'la oldi. Qolaversa, klub o'z darvozasidan 37 marota to'p olib chiqdi. 100 lik dovonni zabt etish uchun klubga atiga 2 ta gol etishmadi. Bo'lmasam, "Obod" birinchi liganing shu yilgi mavsumida raqiblari darvozasini 100 marotaba ishg'ol qilgan jamoa bo'lardi. Har holda klub bunga juda yaqin kelgandi. Kiritilgan 98 ta golni ko'p qismi Alisher Azizov, Shoxruz Norxonov va Sanjar To'raqulovlar hisobiga yozildi.
Shunday qilib, bu jamoa yakunlangan mavsumda ko'pchilikni diqqatini o'ziga qarata oldi.
— deya xabar beradi uff.uz nashri.