Germaniya terma jamoasi bosh murabbiyi Yoaxim Lyov mart oyida Angliya va Ozarbayjon terma jamoalariga qarshi o'yinlar uchun chaqirilgan 24 futbolchidan iborat ro'yxatni e'lon qildi. "Galatasaroy" hujumchisi Lukas Podolski ham bu ro'yxatda bor va unga shu orqali xayrlashuv uchrashuvini o'tkazish imkoni beriladi. 31 yoshli hujumchi 22 mart kuni Germaniyaning Angliyaga qarshi o'yinida xalqaro maydondagi faoliyatini yakunlaydi. Ushbu uchrashuv Dortmundda o'tkaziladi va bu 13 yildan buyon bundestim tarkibida bo'lgan Podolski uchun 130-uchrashuv bo'ladi. Podolski milliy terma jamoa uchun bu vaqt davomida 48 gol urgan, u Germaniya bilan ikki marta jahon chempionati bronza medali sovrindori bo'lgan, 2014 yilgi JCh chempioni bo'lgan. Terma jamoaning yig'inga chaqirilgan tarkibi: Darvozabonlar: Manuel Noyer, Bernd Leno, Mark-Andre ter Stegen. Himoyachilar: Shkodran Mustafiy, Yonas Hektor, Benedikt Xevedes, Mats Hummels, Antonio Ryudiger, Niklas Zyule, Yozua Kimmih, Sebastyan Rudi. Yarim himoyachilar: Sami Xedira, Yulian Draksler, Toni Kroos, Mesut O'zil, Emre Jan, Yulian Vaygl, Leroy Sane, Yulian Brandt. Hujumchilar: Andre Shyurrle, Lukas Podolski, Mario Gomes, Tomas Myuller, Timo Verner.
— deya xabar beradi uff.uz nashri.