Qatarning “Al-Jaish” klubi hujumchisi, hamyurtimiz Sardor Rashidov o'z jamoasi tarkibida yana bir bor dubl qayd etdi. Terma jamoamiz futbolchisi Qatar Yulduzlar ligasining avvalgi turidan o'rin olgan “Al-Vakrah” jamoasiga qarshi o'yinda zaxiradan maydonga tushib, ikkita gol kiritgan hamda jamoasiga g'alaba keltirgandi. Bu turda Rashidov “Al-Mesaymir” klubiga qarshi maydonga tushib, ikkita gol kiritishga muvaffaq bo'ldi. U 14 va 36-daqiqalarda raqib darvozasini ishg'ol qilishga erishdi. O'yinda “Al-Jaish” 5:2 hisobida g'alaba qozondi.
— deya xabar beradi uff.uz nashri.