JCh-2018 saralashining bahordagi o'yinlari oldidan ilk noxush xabar Xitoy tomonlardan keldi. Yo'q, hech kim jarohat olmadi va shuning o'ziyoq xabardagi noxushlikni olib tashlashi lozimdek ko'rinadi. Zero «Osmonosti o'lkasi»da terma jamoamizning Egor Krimets, Anzur Ismoilov va Odil Ahmedov kabi futbolchilari to'p surishadi va muhim bahslar oldidan har qanday jarohat ta'bni xira qilishi turgan gap. Oldindan aytamiz, hech qanday jarohat yo'q va ortiqcha tashvishga ham hojat qolmagan. Biroq hozir eshitadiganingiz kishiga yoqar darajada emasligini ham ta'kidlab qo'yish lozim. O'tgan hafta xuddi bizda bo'lgani singari Xitoy chempionatida ham yangi mavsum boshlandi va «Shanxay SIPG» o'z maydonida «Chanchun Yatay»ni qabul qildi. Yaxshi bilasiz, har ikki jamoa safida ham o'zbekistonlik futbolchilar bor. «Shanxay»da Odil Ahmedov to'p suradi, «Chanchun»da esa Anzur Ismoilov. Bu uchrashuvda bizga yoqmagan ikki holat ro'y berdi. Birinchisi - «Chanchun» o'z darvozasidan 5ta gol o'tkazib yubordi. Jamoaning asosiy himoyachilaridan biri Anzur Ismoilov ekanini inobatga olsak, bu yaxshi yangilik emas. Ammo eng muhimi - «Shanxay SIPG» tarkibida Odil Ahmedov hatto o'yin qaydnomasiga ham kiritilmadi. Bunisi haqida endi alohida fikr almashish lozim. Zero  aytiladigan gaplar etarli. Ahmedovning faoliyati shunday boshlandiki, u har doim nom jihatidan o'zidan yuqoriroq turadigan futbolchilar bilan raqobat olib borishga majbur bo'ldi. «Paxtakor»da asosiy jamoaga o'tganda tarkibda Temur Kapadzedek futbolchi bor edi va Odil u bilan yonma-yon to'p surishga loyiqligini isbotlashi talab qilindi. Keyinchalik «Anji»da Kapadzega o'xshash futbolchilar ham «holva» bo'lib qoldi. Bu erda endi dunyo darajasidagi yulduzlar bilan raqobatlashishga to'g'ri keldi - Roberto Karlos, Samuel Eto~O, Diego Tardelli, Jusiley Da Silva, Muborak Busuffa, Lassana Diarra... Bu nomlar orasida Odil uchun eng dahshatlilari - Bu hali hammasi emas maqola davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.