«Sovetskiy sport» nashri EL 1|8 finalidan o'rin olgan «Selta» - «Krasnodar» o'yini (2:1)dan so'ng ispan klubi sobiq yarim himoyachisi Aleksandr Mostovoyni maxsus suhbatga chorladi. Rossiya futboli tarixidagi eng yaxshi legionerlardan biri shu tariqa Pireney yarim orolida kechgan samarali faoliyatini xotirladi va vigoliklarning imkoniyatlariga baho berdi. «Vigoga oyog'im tortmaydi» - Sasha, «Selta» - «Krasnodar» bahsini qaerda tomosha qildingiz? - Shu er, Moskvada. Ispaniya safarini rejalashtirgan emasdim. Har holda, hozir bu men uchun uzoqlik qiladi. Ha, farzandlarim hamon o'sha erda, ancha ulg'ayib qolishgan. Men esa asosan Rossiyadaman. Lekin javob uchrashuvini ko'rish uchun Krasnodarga borishni ko'zlayapman. - O'zi Vigoga oxirgi marta qachon bordingiz? - Ancha bo'ldi. Bundan 6 yil avval. Nega? Chunki u erda men uchun arziguli hech narsa qolmagan. Shu bois, oyog'im tortmaydi. Deylik, jamoa bilan xayrlashuvim ko'ngildagidek bo'lmadi. Necha yil klubga borimni berdim, uning yangi darajaga ko'tardim. Mutasaddilar esa va'da qilingan mablag'ni berishmadi. Juda yoqimsiz holat... - Ha, yaxshi ish bo'lmabdi. - Yaqinda «Selta»ning avvalgi shifokori - Eduardo Dominges bilan ko'rishib, sobiq prezident va uning hamtovoqlari qaerda yurishganiga qiziqdim. Eduardoning aytishicha, ular 8 yilcha oldin qayoqqadir g'oyib bo'lishgan, shundan buyon hech kimga ko'rinish bermayotgan ekanlar. Aslida men uchun jamoadagi so'nggi mavsumda ishning orqaga ketayotgani sezilib qolgandi. Vaholanki, «Selta» o'shanda ChLga chiqqandi. Oradan hech qancha vaqt o'tmay, taxminlarim o'z isbotini topdi. - «Selta»ning amaldagi bosh murabbiyi - Eduardo Beritstso bilan tanishmisiz? - Albatta. Axir bir necha yil yonma-yon to'p surganmiz. Aytishlaricha, Eduardo matbuot anjumanlarida men va Karpinni tez-tez tilga olar ekan. Hazil-mutoyibani xush ko'radigan yigit. - Futbolchilik xususiyatlarichi? Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.