"Sho'rtan" - "Mash'al" (0:2) uchrashuvidan so'ng mezbonlar ustozi Aleksandr Volkov o'z fikrlarini bildirdi. "Barcha muxlislar va xalqimizni kelayotgan bayram bilan tabriklayman. Bugun omadimiz kelmadi desak yanglishmaymiz. Birinchi bo'limda biroz shiddat etishmadi. Biroq yigitlar taslim bo'lishmadi va ikkinchi taymda hujumlar qildik. Afsuski penaltidan ham gol ura olmadik. 
Raqib ikki to'p kiritib olganidan so'ng himoyaga o'tdi va gol urishimizga imkon bermadi. Futbolchilarga doim aytaman dastlabki va oxirgi 15 daqiqada juda diqqatli bo'lish kerak, biroq bugun bunday bo'lmadi", - deydi Aleksandr Volkov.
— deya xabar beradi uff.uz nashri.