“Dinamo” – “Nasaf” o'rtoqlik uchrashuvi nihoyasiga etkach, bosh murabbiylar Oleg Tyulkin va Ro'ziqul Berdievlar o'yin haqidagi fikrlari bilan o'rtoqlashishdi. Oleg Tyulkin: «Asosiysi natija emas, o'yin edi» - Qiziqarli o'yinga guvoh bo'ldik. «Nasaf» bilan o'tkazilgan o'rtoqlik bahsi har ikki jamoa uchun ham juda muhim bo'ldi. Bugun natija asosiy emasdi, o'yin muhim edi. Yaxshi tayyorgarlik ko'ra oldik. Yoshlarimizni sinab oldik. Oldinda kubokda Zomindagi o'yinda to'p sursak, keyin «Navbahor» bilan bahs kutib turibdi. Yigitlarni yaxshi tayyorgarlik bilan to'p surishlari uchun harakat qilayapmiz. Samarqandda nazorat uchrashuvida ham shuncha muxlis kelgani ajoyibdir. Shu bois yigitlar dastlabki golni muxlislarga bag'ishlashdi. Ro'ziqul Berdiev: «Samarqand futbol bilan yashamoqda» - Bugungi o'yinni shaxsan o'zim o'rtoqlik uchrashuvi demagan bo'lardim. Chunki o'yin keskin kurashlarga boy bo'ldi. Stadionda muxlislarning ko'pligidan sezish mumkinki, samarqandlik futbol ishqibozlari katta futbolni sog'inib qolishgan. Samarqand futbol bilan yashamoqda. Shuningdek, “Dinamo” turnir jadvalida bekorga etakchilik qilmayotganini bugun ko'rsatdi. Bugun biz ularning jiddiy qarshiligiga duch keldik. Ko'rinib turibdi, “Dinamo”da murabbiylar yaxshi ishlashayapti. Jamoa tarkib jihatdan ancha yosh. Ularda ishtiyoq juda kuchli. O'ylaymanki, bugungi o'yin har ikkala jamoa uchun foydali bo'ldi.
— deya xabar beradi uff.uz nashri.