"Valensiya" bosh murabbiyi Salvador Voro Ispaniya chempionati doirasida "Barselona"ga qarshi kechgan va 2:4 hisobida mag'lubiyat bilan yakuniga etgan o'yin haqida fikr bildirdi. Uchrashuvda "Valensiya" 1:0 hisobida oldinda borayotgan edi, ammo keyinchalik g'alabani ushlab qola olmadi.
"Darvozamiz tomon belgilangan penalti va birinchi bo'lim oxirlaridagi chetlatish hal qiluvchi ahamiyat kasb etdi. Jamoamiz ikki bo'limda turlicha futbol namoyish etishga majbur bo'ldi.
Hakamga keladigan bo'lsak, bitta xatoni inobatga olmaydigan bo'lsak, umumiy jihatdan u o'z ishini yomon bajargani yo'q. Biz alamzadamiz, chunki "Valensiya" futbolchilari maydonda o'z kuchlarini aslo ayaganlari yo'q", - deydi Voro.
— deya xabar beradi uff.uz nashri.