Bilasiz, ayni paytda O'zbekiston milliy terma jamoasi delagatsiyasi Kuala-Lumpur shahrida bo'lib turibdi. U erda termamiz ertadan keyin Suriyaga qarshi JCh-2018 saralash uchrashuvida maydonga tushadi.
Bugun olgan ma'lumotlarimizga qaraganda, terma jamoamiz lagerida yuqori kayfiyat hukmronlik qilmoqda. Futbolchilarimiz ham yurtdoshlarimizni bayram bilan tabriklashgan. O'z navbatida ular bayramlar davomiy bo'lishi uchun Suriyaga qarshi o'yinda albatta g'alaba qozonish uchun maydonda maksimal tarzda o'ynashga va'da berishgan.
Futbolchilarimiz Vitaliy Denisovni qo'llab-quvvatlashgan. Shu bilan birga, maydonda bir jonu bir tan bo'lib harakat qilishga tayyorgarlik ko'rishmoqda.
Shu o'rinda aytib o'tsak, Suriya termasi ham keraklicha amaliyotni boshidan o'tkazyapti. Murabbiylar shtabi ikkiga bo'lingan holda mashg'ulotlarni olib bormoqda. Ya'ni, birinchi guruh jismoniy tayyorgarlik bilan mashg'ul bo'lsa, ikkinchi guruh faqat nazariy bilimlarni va taktik ko'rsatmalar ustida ishlayapti. Har holda O'zbekistonga qarshi ular ham bor imkoniyatlarini ishga solishmoqchi.
Samvel Babayan oldida Denisovning o'rniga munosib futbolchini topishdek qiyin vazifa bor. Katta ehtimol bilan o'sha qanot himoyada Zoteev yoki To'xtaxo'jaev-Krimets juftligidan biri egallashi mumkin.
Hozircha, shunaqa gaplar.
Eslatib o'tamiz, ertaga ikki murabbiy o'rtasida matbuot-anjumani bo'lib o'tadi.
— deya xabar beradi uff.uz nashri.