Madridning “Real” jamoasi “Yuventus” himoyachisi Aleks Sandroga qiziqish bildirmoqda. Bu haqda Football Italia nashri ma'lum qildi. Turinliklar 26 yoshli futbolchini 45 million evrodan kam bo'lmagan mablag'ga sotishga tayyor. Shuningdek, mahoratli futbolchiga Londonning “Chelsi” klubi ham qiziqish bildirgan. Aleks Sandro 2015 yili “Portu”dan 26 mln evro evaziga “Yuventus”ga ko'chib o'tgandi. Joriy mavsumda u A Seriyaning 23 o'yinida 2 ta gol va 4 ta golli pasga mualliflik qildi. 
— deya xabar beradi uff.uz nashri.