Eron terma jamoasi va Rossiyaning "Rostov" klubi hujumchisi Serdar Azmun "Liverpul"dan tushgan taklifni nima sababdan rad etganini izohlab o'tdi.
"Qishki transfer mavsumida "Liverpul" menga qiziqish bildirgani haqida xabarlar paydo bo'lgan edi, ammo men bunday transferga hali ertalik qiladi, deb hisoblayman. Agar hozir "Liverpul"ga ketadigan bo'lsam bir nechta o'yinda maydonga tushaman va keyin zaxira o'rindig'iga o'tirib qolaman. Chunki "Liverpul" vaqtinchalik hujumchi qidirayotgan edi.
Men grand klubga o'tishni va futbolchi sifatida o'sishni istayman. Shu bois kelajagimga jiddiy qarayman. Ishonchim komilki yaqin kelajakda Evropaning top klublaridan biriga o'taman", - deydi Azmun.
— deya xabar beradi uff.uz nashri.