Oxirgi vaqtlarda Fabio Koentrauning "Real" mashg'ulotlarida ishtirok etmagani sababi oshkor bo'ldi. Aniqlanishicha, u Bragadagi sud majlisida qatnashgan. Aytishlaricha, futbolchi 2012 yili haydovchilik guvohnomasi olish uchun imtihon topshirmay, 4 ming evro pora berganini tan olgan. Koentrau xususan, nazariy imtihon vaqti mas'ul kishilardan biri qo'l harakati bilan unga yordam berib turganini bayon etdi. U yana agar chetdan yordam berilmaganida, imtihondan o'tolmasligini tan oldi. Chunonchi, javoblardan yarmini ham bilmagan ekan. Portugaliyalik futbolchi o'sha vaqt "Real" safiga o'tish arafasida edi, shuning uchun Madridga yo'l olishdan avval haydovchilik guvohnomasi olishga shoshilgan. Xullas, sud Koentrauning aybiga iqrorligini hisobga olib, "yumshoq"roq jazo tayinladi. U xayriya jamg'armasi hisobiga 3 ming evro o'tkazib bersa, bas.
— deya xabar beradi uff.uz nashri.