Londonning "Chelsi" klubi "Bayer"ning turkiyalik yarim himoyachisi Hoqon Chalxanogluni o'z safiga qo'shib olmoqchi. "Aristokratlar" uning transferi uchun 38 million evro ajratishga tayyorlar. Sampiy10 nashri xabariga asosan, "Chelsi" futbolchining o'ziga rasman 3 yillik shartnoma taklif qildi. Eslatib o'tamiz, 24 yoshli turkiyalik futbolchi FIFA tomonidan diskvalifikatsiya qilingan va mavsum oxiriga qadar maydonga tusholmaydi. Bunga sabab, 2011 yili "Karlsrue"da o'ynagan Chalxanoglu avvaliga "Trabzonspor"ga o'tish bo'yicha kelishuvga erishgan, biroq keyinchalik nemis klubi bilan shartnomasini uzaytirgan. Shundan so'ng "Gamburg" bilan bitim tuzgan. Xullas, FIFA futbolchini transferlar  qoidasini buzganlikda ayblab, uni 6 oy muddatga futboldan chetlatgandi.
— deya xabar beradi uff.uz nashri.