"Milan" aktsiyalari nazorat paketiga xaridor bo'lib turgan Sino-Europe konsortsiumi kutilmagan muammolarga uchradi. Xitoy hukumati mamlakat tadbirkorlarining xorij sport loyihalarida qatnashishlarini tanqid ostiga oldi. Natijada Haixia Capital Management kompaniyasi "Milan" loyihasini moliyalashtirishdan bosh tortdi. Berluskoni ixtiyoridagi Fininvest kompaniyasi bu ishlardan xabardor, ammo tomonlar operatsiyani amalga oshirish yo'llarini qidirmoqdalar. Umuman, Sino-Europe davlatning qo'llab-quvvatlashidan mahrum bo'lgani sabab, kelishuvni rasmiylashtirish ishlarini tezlashtirishi ehtimoli ham mumkin.  Shartnomaga Xitoy kompaniyasining muqobil moliya manbalari qidirishi haqida band kiritilishi ehtimoli baland. Sino-Europe vakillari avgust oyidayoq "Milan" uchun 520 million evro to'lash haqida kelishib olganlar va bu summa bir nechta transh orqali beriladi. Berluskoni hozirgacha 100 million evrolik 2ta to'lovni qabul qildi. Uchinchi pul o'tkazmasi bir oydan so'ng amalga oshishi kutilmoqda.
— deya xabar beradi uff.uz nashri.