Turkiyaning "Fenerbaxche" jamoasi yozgi transferlar mavsumida "Arsenal" yarim himoyachisi Mesut Ozilni sotib olishni rejalashtirmoqda. Bu haqda Daily Mirror nashri xabar beradi. Manbaning xabariga ko'ra, Germaniya terma jamoasi a'zosi Ozil asli millati turklarga mansubligi sabab "Fenerbaxche"ga o'tishni rad etmasligi mumkin. "Fenerbaxche" rahbariyati Ozilni jamoada uzoq yillar etakchi bo'lib qolishi va sobiq jamoadoshi Robin van Persi o'rniga munosib nomzod bo'lishini tahmin qilishmoqda. Eslatib o'tamiz, "Arsenal" futbolchiga yangi shartnoma taklif etishni istagandi lekin tomonlar hozircha o'zaro muzokara boshlashmagan. Ma'lumot uchun, Ozil joriy mavsum "Arsenal" tarkibida 31 uchrashuvda maydonga tushib 9 gol va 10 ta foydali uzatmani amalga oshirgan.
— deya xabar beradi uff.uz nashri.