"Barselona" yozgi transferlar mavsumida "Sevilya" yarim himoyachisi Vitoloni sotib olishi mumkin. Bu haqda Marca nashri xabar beradi. Manbaning xabariga ko'ra, kataloniyaliklar rahbariyati 27 yoshli futbolchi uchun 40 million evro to'lashga tayyorliklarini bildirishgan. Ushbu summa Vitoloning «Sevilya» bilan 2020 – yilga qadar belgilangan shartnomasida ko'rsatilgan bo'lib, "andalusiyaliklar" o'z o'rnida futbolchini "Barselona"ga sotishga qarshi emasliklarini ta'kidlab o'tishgan. Ma'lumot uchun, Vitolo joriy mavsum "Sevilya" tarkibida 24 uchrashuvda maydonga tushib, 4 ta gol muallifiga aylangan.
— deya xabar beradi uff.uz nashri.