"Manchester Yunayted" himoyachisi Ander Errera "qizil iblislar" darvozaboni David De Xeani jamoadan ketishidan xavfsiramoqda. Anderning so'zlariga ko'ra, De Xea "MYu"ni tark etadigan bo'lsa, jamoa keyingi mavsumda katta yo'qotish ko'rgan bo'ladi. "De Xea faoliyatini "Manchester Yunayted"da uzoq davom ettirishini istar edim. Umid qilamanki, bu istakim amalga oshadi. David biz uchun juda muhim futbolchi hisoblanadi. Afsuski, futbolda kutilmagan vaziyatlar sodir bo'lishi mumkin, o'ylaymanki De Xea bilan bu vaziyat hech qachon sodir bo'lmaydi", deydi Errera Daily Mail nashriga bergan intervyusida. Ma'lumot uchun, Madridning "Real" klubi yozgi transferlar mavsumida De Xeani sotib olishga yana bir bor urinib ko'rishini ma'lum qilgandi.
— deya xabar beradi uff.uz nashri.