O'zbekiston milliy terma jamoasi ertaga JCh-2018 turniriga saralash bosqichi «A» guruhi 6-turida Suriya termasiga qarshi bahs olib boradi. Bo'lajak o'yinda Suriya nominal mezbon bo'lgani hamda mamlakatda siyosiy beqarorlik hukmronlik qilayotgani sabab OFK o'yinni neytral zona - Malayziyada o'tkazilishini ta'minladi. Mazkur bellashuv Malayziyaning Seremban shahridagi Tuanku Abdul Rahman Stadium stadionida bo'lib o'tishi rejalashtirilgandi. Biroq ushbu arena o'yinga tayyor bo'lmagani uchun Suriya va O'zbekiston bahsi Malakka shahridagi 40 ming muxlisga mo'ljallangan Hang Jebat Stadium maydonida o'tkaziladi. O'yin vaqti o'zgarishsiz qolgan - uchrashuv mahalliy vaqt bilan soat 20:00 (Toshkent vaqti bilan 17:00)da start oladi. Bellashuvni boshqarib boradigan hakamlar guruhi ham o'zgarmagan. Moskvaning «Lokomotiv» himoyachisi Vitaliy Denisov O'zbekiston terma jamoasining yaqin o'yinlarida ishtirok eta olmaydi. Denisov «Spartak»ka qarshi Rossiya chempionatining 20-tur o'yinida jarohat oldi. Shunday qilib, Vitaliy Denisov Suriya va Qatarga qarshi JCh-2018 saralash uchrashuvlarini o'tkazib yuboradi. Malakka shahrida bugun qanday ob-havo bo'lishi kutilmoqda? Ma'lumotlarga qaraganda, ushbu shaharda kuchli yomg'ir yog'ishi taxmin qilinmoqda. O'yin boshlanadigan payt — mahalliy vaqt bilan soat 20:00ga kelib yomg'irning tempi pasayishi va o'yin davomida to'xtashi kutilmoqda. Uchrashuv paytida havo harorati 27-28 daraja atrofida issiq bo'ladi. Havoning nisbiy namligi 75-80 foizni tashkil qiladi. Terma jamaomiz mahalliy sharoitga moslashish maqsadida o'yindan 4 kun oldin Malayziyaga etib borib, u erda mashg'ulotlarni olib bordi. Olingan ma'lumotlarga qaraganda, terma jamoamiz lagerida yuqori kayfiyat hukmronlik qilmoqda. Futbolchilarimiz ham yurtdoshlarimizni ayyom bilan tabriklashgan. O'z navbatida, ular bayramlar davomiy bo'lishi uchun Suriyaga qarshi o'yinda, albatta, g'alaba qozonish uchun maydonda maksimal tarzda o'ynashga va'da berishgan. Futbolchilarimiz Vitaliy Denisovni qo'llab-quvvatlashgan. Shu bilan birga, maydonda bir jonu bir tan bo'lib harakat qilishga tayyorgarlik ko'rishmoqda. Samvel Babayan oldida Denisovning o'rniga munosib futbolchini topishdek qiyin vazifa bor. Katta ehtimol bilan o'sha qanot himoyasidagi joyni Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.