O'zbekiston terma jamoasini bugun juda muhim uchrashuv kutib turibdi. Qalbimizda biroz xavotir borligini hech kimdan yashira olmaymiz. Olti oy muqaddam aynan shu raqibga qarshi kechadigan o'yin oldidan ko'nglimiz biroz tinch edi, chunki bizning yigitlar Suriyadan bir bosh baland turishiga ishonar edik.
Hozir ham bunga ishonamiz. Ammo shu bilan birga suriyaliklar Eron va Janubiy Koreya bilan o'z maydonida, aniqrog'i, Malayziyaning Paroi shahridagi stadionda durang o'ynab, Xitoyni esa safarda engib, qalbimizga biroz g'ulg'ula solib qo'yishgani ham bor gap. Hali biror jamoa u erdan uch ochko bilan qaytmagani esa har qanday odamni o'ylantirib qo'yishi muqarrar.
Ammo shularning barchasiga qaramay, bugun O'zbekiston milliy terma jamoasi safardan uch ochko bilan qaytishiga ishonamiz va bu ishonchimizni asoslab berishimiz ham mumkin. Quyida buning uchta sababini keltirib o'tamiz.
1.RAQIBNI MENSIMASLIK
Eron va Janubiy Koreya terma jamoalarining Suriyaga qarshi o'tkazgan o'yinlarini ko'rganlar bo'lsa, har ikki jamoa ham raqibni biroz mensimay o'ynaganini sezgan bo'lsalar kerak. Bu esa, nafaqat Eron va Janubiy Koreya, balki juda ko'p jamoalarga pand bergan. Futbol oliftalarni yoqtirmaydi. U faqat maydonga ter to'kib kiradiganlarni suyadi. Saviya jihatidan ustun bo'lganlar ba'zan manmansirab ketib, bir oyoqda o'ynab ham raqibni yutib qo'yishlariga ishonadilar. Bu esa og'ir oqibatlarga olib kelishini ko'rganmiz.
Raqibni mensimay maydonga tushgan jamoa hisobni tezda ochib olmasa, daqiqa o'tgani sari o'yin tizginini qo'ldan boy beraveradi. Bu esa, asabiylik, pala-partishlik va shoshma-shosharlikka olib keladi. Oqibatda autsayder jamoa o'z maqsadiga etadi. Suriyaga durang olib kelgan omillardan biri aynan mana shu edi. Xo'sh, O'zbekiston terma jamoasi bilan ham shunday bo'lmasmikan?
Aslini olsak, aynan shu jihat, ya'ni raqibni mensimaslik o'zimizga ham birinchi o'yinda sal qolsa pand berishi mumkin edi. Yodingizda bo'lsa, o'sha uchrashuvda futbolchilarimiz ikkinchi bo'limning o'rtalariga qadar hisobni ocha olishmagan va ancha asabiylashib qolishgandi. Baxtimizga Aleksandr Geynrix zaxiradan maydonga tushib, barchasini hal qildi. Umid qilamizki, futbolchilarimiz bu safar ishni shu qadar cho'zib yubormaydilar. Ular o'sha uchrashuvdan ancha saboq olishgan va bugun ortiqcha muammosiz g'alabaga erishadilar.
2. PAROIDAGI MAYDON
Malayziya iqlimi shundayki, u erda yilning 200 kunida yomg'ir yog'adi. Suriya va Eron o'rtasida kechgan bahsda aynan shunday yomg'irli ob-havo mehmonlarni ancha qiynab qo'ygan edi. Hozircha O'zbekiston terma jamoasi ishtirokidagi o'yinda nimalar bo'lishini bilmaymiz. Balki yomg'ir yog'ar, balki yog'mas. Ammo futbolchilarimizga qo'l keladigan jihat shundaki, endi ular Paroiga ob-havoning injiqliklarini oldindan bilgan holda boradilar.
O'zbekiston terma jamoasi murabbiylar shtabi Suriya va Eron o'rtasida kechgan o'sha uchrashuvni yaxshilab o'rgangani va futbolchilarni shunga mos holda tayyorlaganiga ishonamiz. Ham-yurtlarimiz kuchli yomg'ir ostida ham, quruq maydonda ham o'ynashga tayyor holda bo'lishlari lozim. Yomg'ir balki yog'ar, balki yog'mas, ammo u endi kutilmagan sovg'a bo'lmaydi. Har holda, biz bunga ishonamiz. Shunday ekan, Suriya eng ichidagi qartalaridan biridan ajralishi muqarrar. Qolgani esa maydonda hal bo'ladi.
3. SAVIYa
Har qanday holatda ham mana shu uchinchi sabab bizning eng katta ustunligimiz bo'lib qolishi turgan gap. Suriya terma jamoasi har qancha tayyorlanmasin, har qancha oldinga intilmasin, biroq baribir, saviya jihatidan bizning yigitlar bir bosh yuqori turishlarini inkor eta olmaydilar. Bu hali hammasi emas davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.