"Yuventus" jamoasi sardori Janluiji Buffon Kicker jurnaliga bergan intervyusida Italiya futbolida haqidagi fikrlarini bildirib, "A" Seriyasida paydo bo'layotgan xorijlik investorlarga qarshi ekanini aytdi. "Muayyan vaqtda bizning futbol qiyin davrlarni boshdan kechirdi. Jamoalar o'z mablag'lari hisobiga kun kechirishga majbur bo'ldi. Ammo vaziyat hozirda yaxshi tomonga o'zgarmoqda. Men ishonamanki, Italiyada futbol yo'qolib ketmaydi. Hozirda "A" Seriya to'g'ri yo'ldan bormoqda. Ehtimol 5 yildan keyin bizning chempionatimiz yana avvalgi maqomini qaytarib, Evropaning eng yaxshi chempionatiga aylanar. Klublarning sotilishi borasida gapiradigan bo'lsam, bu biz uchun haqiqiy mag'lubiyat. Bu mamlakatdagi iqtisodiy qiyinchiliklar tufayli ro'y bermoqda. "Roma" amerikaliklar bilan hamkorlik qilmoqda, "Milan" esa - xitoyliklar bilan. Bu bizning futbolimiz va an'analarimiz uchun pasayishdir. Italiyadagi badavlat kishilar esa futbol rivoji uchun pul sarflashni istamayapti" - deydi Buffon.
— deya xabar beradi uff.uz nashri.