Mana, Osiyo maydonlarida yana katta futbol havosi esmoqda. OFKning etakchi milliy jamoalari bugun Rossiya-2018 mundiali sari navbatdagi muhim qadamni tashlashga urinib ko'rishadi. Eslatma, joriy saralash raundi bahslari 5 sentyabrga qadar davom etadi. Ayni payt O'zbekiston termasi joy olgan «A» guruhida 3ta jamoa boshqalardan ustundek ko'rinayotgan bo'lsa, «V» oltiligida Iroq va tailandliklarda imkon qolmagandek... Aslida bu aldamchi taassurotlardir, zero, 1ta tur o'yinlari barchasini butkul o'zgartirib yuborishi hech gap emas. Ishonamizki, eng qiziqarli voqealar hali oldinda. «A» guruhi Xitoy - J.Koreya Changsha. «Xelong Stedium» stadioni. Xitoyliklar o'tgan yilning 15 noyabrida Qatar termasi bilan bahsda durang qayd etishganidan so'ng Evropaning Xorvatiya va Islandiya kabi jamoalariga qarshi «o'rtoq»lik uyushtirishdi. Marchello Lippi bu o'yinlar orqali jamoaning ertangi kunini ko'rikdan o'tkazdi. Xususan, islandlar bilan uchrashuvning 88-daqiqasida javob golini urgan Vang Jingbin bor-yo'g'i 21 yoshda. Lekin u klubda etarli o'yin amaliyotiga ega emas. Chin yurti vakillari ko'proq hujumga o'tish uchun avvalo, koreyslar yarim himoyasidan ustunlik qilishlari lozim. Umuman, Xitoy termasi ikkinchi davrada ham rosa qiynalsa kerak. J.Koreya termasi tabiiyki, Son Xyun Min mahoratiga tayanib ish ko'radi. U «Tottenxem»da qanot va markaz hujumchisi sifatida to'p suryapti. Seulda kechgan birinchi davra bahsi koreyslar uchun juda omadli boshlanib, ular tez orada 3:0 hisobida oldinga chiqib olgandilar. Ammo keyinchalik e'tiborni yo'qotishlari oqibatida g'alabani zo'rg'a saqlab qolishgandi - 3:2. IF taxmini: 35 (Xitoy termasi g'alaba qozonadi) - 20 (durang bo'ladi) - 45 (J.Koreya termasi g'alaba qozonadi). Qatar - Eron Doxa. «Jassim bin Hamad» stadioni. Tehrondagi bahsda qatarliklar asosiy vaqtga qo'shib berilgan daqiqalarda 2ta gol qo'yib yuborishgan va bunda ko'proq Shri-lankalik hakam Xettikanamge Pererani ayblashgandi. Mana, oradan 6 oy o'tdi. Jamoada bosh murabbiy va asosiy darvozabon o'zgardi. To'g'ri, forslar jamoasi hamon ishonchli o'ynamoqda. Deylik, hujumda Sardor Azmun va Ehson Hojisafi bog'lami xavfli ko'rinyapti. Qatar termasi hujum tandemi - Hassan al Haydos va Ali Asadallodan forslar himoyasiga imkon qadar ko'proq tashvish tug'dirish talab etiladi. IF taxmin: 45 - 20 - 35. Suriya - O'zbekiston Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.